Trwy gydol 2006, bydd Coed Cymru, ar ran CALU, yn cynnal cyfres o ddiwrnodau hyfforddi. Bydd y pynciau canlynol dan sylw:

1. Rheoli Adar Helwriaeth (ar y cyd â'r Ymddiriedolaeth Gwarchod Adar Helwriaeth)
Yn canolbwyntio ar reoli cynefinoedd a dewis a rheoli cnydau helwriaeth a magu a rhyddhau ar raddfa fach. Bydd y diwrnod yn canolbwyntio ar ffermydd stoc ucheldir ac yn cynnwys cyflwyniad ar ofynion cyfreithiol rheoli ysglyfaethwyr a chostau ac incwm tebygol.

2. Cynhyrchion Coed
Cynhelir y diwrnod hyfforddi hwn yn siop goed Wentwood (Sir Fynwy) a bydd yn dangos sut i sychu coed diamedr bach a'u trosi'n gynhyrchion eraill, gan gynnwys cynhyrchion a thriniaethau i ychwanegu gwerth. Trafodir marchnadoedd coed lleol yn ne ddwyrain Cymru.

3. Coedlannau Ffermydd a Choed
Diwrnod hyfforddi i'w gynnal ar Fferm Aberbechan, ger Drenewydd, i ddangos sut mae coedlannau wedi cael eu hintegreiddio i'r fferm, gan gynnwys melinau ar y safle, prosesu a throsi'r coed yn gynhyrchion ar y fferm.

4. Diwrnod Sefydlu Coedlannau
Diwrnod hyfforddi sy'n ymdrin â'r sgiliau sylfaenol sydd eu hangen wrth blannu coed i greu coedlan, gwrychoedd a lleiniau cysgodi. Bydd y digwyddiad yn cynnwys:

• dewi rhywogaethau i'r safle
• plannu coed mewn trefn arbennig
• dewis stoc o'r feithrinfa
• sut a phryd i blannu
• amddiffyn a diogelu
• cynnal a chadw a chwynnu

Cyhoeddir manylion am leoliadau, dyddiadau ac amseroedd y digwyddiadau hyn yma cyn gynted ag y bydd ar gael.

I gael rhagor o wybodaeth, cysylltwch â Choed Cymru - 01686 650777

Top

Mae'r project hwn yn dilyn ymlaen o'r project arddangos treial malltod tatws yn 2005. Yn ystod y project bydd plotiau gwahanol gyltifarau tatws yn cael eu sefydlu ar y fferm. Bydd rhywogaethau Sarpo newydd a phresennol yn cael eu hasesu am eu gallu i wrthsefyll malltod ar y dail, eu gallu i gynhyrchu cloron a malltod cloron ar ôl y cynhaeaf.
Bydd y project yn edrych hefyd ar effeithiau cynaeafu dilynol ar gynhyrchiant, maint cloron a difrod gan bla. Elfen newydd yn y project fydd arddangosiad a gwerthusiad o fwstard Caliente mewn rheoli plâu pridd ac afiechydon tatws.

DIWRNODAU AGORED: 19 Gorffennaf a 20 Medi

Bydd yr adroddiad terfynol ar broject llynedd ar gael yn y dyfodol agos.

Mae'r daflen ffeithiau o dreialon 2004 ar gael ar wefan Canolfan Organic Cymru.

Top

Mae'r project hwn yn dilyn ymlaen o'r arddangosiadau yn 2005. Bydd CALU, ar y cyd â'r Ysgol Gwyddorau Amaeth a Choedwigaeth, Prifysgol Cymru, Bangor ac Ymddiriedolaeth Ymchwil Sárvári, yn sefydlu lleiniau arddangos mewn pedwar lleoliad ar draws Cymru. Mae'r lleiniau hyn yn dangos sut i dyfu a rheoli amrywiaeth o gnydau amgen gan gynnwys:

• corn melys
• lwpinau
• ffa Ffrengig bach
• ceirch noeth
• cywarch
• tatws Sarpo sy'n gwrthsefyll malltod
• pannas
• moron

Cynhelir diwrnodau agored ar bob safle - cyhoeddir manylion yma cyn gynted ag y byddant ar gael.

I gael rhagor o wybodaeth am y cnydau, cliciwch yma. I gael rhagor o wybodaeth am y project, cysylltwch â CALU.

Top

Bydd y project hwn yn arddangos wrth blannu rhywogaethau coed a llwyni amgen mewn lleiniau cysgodi ei bod yn bosib darparu ardaloedd cynefinoedd bioamrywiaeth pwysig ar y fferm, er mwyn cysylltu rhwng cynefinoedd a gweithredu fel rhwystr i ddwr ffo ger glannau nentydd. Mae lleiniau cysgodi hefyd â'r potensial i gynhyrchu cynhyrchion ffrwythau, hadau a choedwigaeth mewnbwn isel.

Cynhelir diwrnodau agored ar safleoedd arddangos ar draws Cymru.

I gael rhagor o wybodaeth, cysylltwch â Choed Cymru - 01686 650777

Top

Bwriad y project yw pennu:

1. Pa mor ymarferol yw cynhyrchu perlysiau wedi'u torri mewn adeileddau polythen twnelaidd, yn cynnwys costiad a chyfraddau cynhyrchu.
2. Datblygu systemau cynhyrchu organic ar gyfer y nwydd hwn.
3. Y graddau y mae ansawdd ac amsweriad y cynnyrch yn dderbyniol i'r diwydiant arlwyo.

Diwrnodau agored: 5 Gorffennaf 3.00pm & 5 Medi

Top